قصة الأرملة السوداء كامله بكل اجزاءها
فتح الباب شوي شوي.. ودخل وسكر الباب هو ومعطي الي وراه ضهرو.. وقبل ما يلتفت ويقول مرحبا طلع صوت رنيم بشكل مفاجئ: لك مين انت شو فايت تعمل هون
التفت بتوتر: عفوًا عفوًا.. انا
وقفت هديل وتدخلت بسرعه: رنيم هاد موظف جديد بس ما لحقت قلك
رفع يامن ايديه: شفتي انا بريئ.. هي وظفتني الله وكيلك انا ما دخلني
رنيم: كيف يعني موظف جديد شو عم تخبصي انتي ؟
هديل: لك خليني فهمك.. مو الي تلات شهور بعمل مقابلات مقہصہص سہمہرة وٱلہشہبہح:
رنيم بعصبية: كيف بتتصرفي هيك من راسك انتي ما بتعرفي انو ممنوع شوف أي رجال بخلقتي.. بدك تجننيني انتي ؟
هديل: يا رنيم صح نحنا كنا متفقين ما يكون في رجال بس في استثناءات للحالات الطارئة.. ما تنسي الموقف الي تعرضنالو من تلات شهور وخسرنا بسببو صفقة كبيرة.. وما في ولا سيدة مؤهلة للوظيفة
قعدت رنيم على الكرسي وصارت تنقر باصابعها على المكتب: هاد مو مبرر … بتعرفي وجهة نظري بهاد الموضوع
هديل: انا بعرف انو الشغل عندك اهم من كل شي صح ولا لأ ؟.. ولازم نسعى لهدفنا بكل اخلاص وهمة.. والمهندس يامن موجود هون ليساعدنا..
مسحت وشها بانزعاج: اخدتي موافقة زوجتو ؟
هديل بصوت واطي: مو متزوج
صرخت رنيم: كماااااااااااااان ؟
هديل: طولي بالك يا مخلوقه.. خلص هلأ رح نزلو على الغرفة المعزولة وبنحل الموضوع
كان يامن عم يسمع حديثهن.. قرب خطوة لعندهن وسأل بكل تهذيب وبصوت هادي: لو سمحتو انتو عم تحكو عني ؟
تطلعت فيه هديل بعدين رجعت تهدي رنيم الي واضح انها بلشت تعصب، ولما تعصب ما بصير خير..
هديل: شو قررتي ؟
يامن: طيب انا السلام عليكم
هديل: وين رايح ؟
يامن: ليكي انا من اول ما جيت وانا الفار عم يلعب بعبي.. ما في ولا موظف هون كلو موظفات وهالشركة رح تجنني.. الي ساعتين قاعد متل الأهبل وهلأ غرفة معزولة.. هالوظيفة مبينه من اولها
هديل: طول بالك انت التاني
