رواية كاملة وجديدة بقلم ملك محمد ... مكتملة ( حازم و بسنت )
المحتويات
وبسنت دخلت تتسحب ع اوضة ريم بالراحه وطلعت شكولاته من شنطتها وحطتهلها جمبها
ووقفت تكلم ف نفسها
_تعرفي أن الشكولاته دي كان نفسي فيها اوي واول لما جت فرصه علشان اشتريها مقدرتش اكولها لوحدي فأنا هقسمها بيني وبينك
ومسكتها علشان تقسمها بصت لأختها وهي نايمه
_ لا خلاص مش هقسمها خديها كلها والمره الجايه هبقى اجيب واحده ليا
_____
بسنت دخلت اوضتها ووقفت قدام المرايا لقت شعرها مفرود افتكرت حازم
واقفه تكلم ف نفسها وهي بتلعب ف شعرها
_بني ادم رخم اوي هو علشان غني ومعاه فلوس فاكر نفسه يقدر يعمل اي حاجه
بس ازاي هو وأمير صحاب دا في فرق كبير بينهم امير هادي وشخصيته جميله
_ لا فوقي كدا امير خاطب
واترمت ع السرير
__________
في بيت حازم
حازم داخل مبسوط لقى والده ومرات أبوه قاعدين مستنينو
حازم بيتكلم وهو مش طايق نفسه_ القعده دي وراها حاجه ها قولو
والده انت هتفضل مستهتر كدا لحد امتى كل يوم مشاكل وحورات من ورا دماغك دي
حازم قعد ع الكرسي وبيسمعهم بلا مبالاه
زوجة والده انت عيل قليل الادب ازاي تكلم والدك كدا
حازم ببرود متدخليش انتي يامرات ابويا قال يعني مش انتي الي مقوماه عليا هه
والده بعصبية أنا مش قولتلك كام مره متقولش كلمة مرات ابويا دي وتتكلم معاها بأدب وتقولها ياماما
حازم بدأ يتعصب ماما هي مين دي الي ماما دي من يوم مادخلت البيت داه وانت كل يوم والتاني مشاكل معايا من غير سبب بخرج الصبح بدري واروح الجامعه علشان مشفكوش وبرجع اخر اليلل بردو علشان مشفكوش وبردو مش سايبني ف حالي
حازم بس كفايه لحد هنا أنا عارف الهانم مراتك بتعمل دا كله ليه علشان اسيب البيت وامشي لانها مش طايقاني هنا وانا فعلا هعمل كدا وهروح اقعد ف الشقه القديمه تاني
والده ومين قالك اني هسمحلك تروح تعيش هناك
حازم بعصبيه للاسف متقدرش تمنعني اني اعيش هناك لأن الشقه بأسمي
مرات أبوه بتمسل أنها زعلانه
ووالده قعد ع الكرسي وهو مدايق
_معلش يا ابراهيم روء ومتدايقش نفسك انت عندك السكر بكرا يرجع هيروح فين يعني
حازم ركب عربيته وراح ع شقته
دخل رمى شنطت هدومه ع الأرض وهو متعصب واترمى ع السرير
_ انتي بقى وراكي سر وانا لازم اعرفه
وراح حاتط التوكه بتاعتها ف محفظته
يتبع........
5
نهار يوم جديد
في الجامعه
بسنت كالعاده قاعده ف المكتبه بتقرا جه أمير وشد منها الكتاب
بيقرأ اسم الكتاب
_أسطورة ارض الظلام للدكتور احمد خالد توفيق
_ابتسمت وقالتله ايوا ممكن الكتاب بقى
حط كتبه وقعد قصادها وادالها الكتاب
بسنت كملت قرائه
_تعرفي أن دي اول مره ملاقكيش مستعجله ولا نايمه
ابتسمت وكملت قرايه
أمير عايز يفتح معاها اي موضوع بس مش عارف
_انتي اسمك بسنت صح
بسنت استغربت اها عرفت منين
_لقيته مكتوب ع كراستك امبارح وانتي نايمه
اتكسفت أنا اسفه بس نمت ڠصب عني
_وبتتأسفي ليه ماتنامي براحتك
_غصب عني والله بتلاقيني حطيت دماغي ف اي حته ونمت
_شكلك بتسهري كتير
بسنت اتوترت لا لا مبسهرش كتير ولا حاجه دانا بنام بدري بدري اوي بدري خالص
أمير ضحك طيب خلاص مصدقك
سكوت ثواني
_ممكن نتعرف
بسنت تنحت ها
_انا اسمي أمير ف سنه 3جامعه وفاشل زي مانتي شايفه وضحك
_لا متقولش ع نفسك كدا واضح انك مجتهد
_سيبك مني أنا عرفيني ع نفسك بقى
_انا اسمي بسنت وانت عارف وسنه اولى وانت عارف بردو
_امير ضحك واضح انك لمضه
بسنت ابتسمت مش لمضه اوي وبتبص يمين وشمال صحيح امال خطيبتك فين
أمير استغرب خطيبتي مين
البنت المنكوشه الي بتمشي معاك دايما دي
أمير ضحك بصوت عالي منكوشه
اتكسفت أنا اسفه قولت الكلام بعفويه شويه
لسه أمير هيقولها انها مش خطيبته فجأه حازم دخل
حازم استغرب لما شافهم مع بعض اي دا انتو تعرفو بعض
أمير يعني مش اوي
بسنت افتكرت الي حصل امبارح بالليل مع حازم اتكسفت ولمت كتبها وطلعت تجري
أمير وحازم استغربوا ردة فعلها
حازم شد كرسي وقعد جمب امير
حازماي علاقتك بيها
أمير علاقة اي
_ اول مره اشوفكو مع بعض يعني
_اه لا مفيش حاجه هي مبتديش فرصه لحد يقرب منها اساسا
_بس البت دي معرفش ليه حاسس انها غير اي بنت عرفتها
_بقولك اي ياحازم ماتكبر دماغك منها وتسبها ف حالها شكلها غلبانه مش أدك
حازم بضحك دي غلبانه دانت الي غلبان
_لسه بردو مركز ف موضوع الرهان الي بينك وبين داليا
_ياعم ادينا بنتسلى سيبك انت مش أنا سبت البيت
_تاني ياحازم كل يومين مشكله مع والدك
_لا المرادي مفيش رجوع خلاص أنا زهقت منهم خليه الحربايه الي هو متجوزها تنفعه
_يابني طب وذنب والدك اي
_مش هو الي بيسمع كلامها خليها تنفعه بقى
داليا فين صحيح مشوفتهاش النهارده
أمير رد بعفويه وهو بيضحك المنكوشه
حازم استغرب المنكوشه دي
متابعة القراءة
