رواية سامحيني كاتبة/ ضحي وائل

بصلها شوية واستدار عشان يمشي وقف بره عند الباب.
خديجة عن اذنك يا رامي 
رامي بسرعة خديجة.
خديجة بصتله نعم 
رامي بابتسامة تصبحي علي خير.
خديجة وانت من اهل ااخير.
وقفلت الباب وهو بعد ما قفلت الباب طلع ع السلم وهو بيفكر فيها واكتشف انه مكنش عايز يمشي من عندها ابدا.
البارت العاشر
لو عرفت ان الغدر من صفاتك لو عرفت انك في لحظات تخون لنسيت وانسحبت من حياتك قبل ما قلبي تعذبه الظنون اشكي من چرح يكمن ف القلب والعيون ما تغير حبي الا منك وانتهت قصة غرامي والفتون.
تاني يوم الصبح حصل الروتين الصباحي لكل واحد كان الصباح عند خديجة هو هو متغيرش انما الصباح عند رامي..........
رامي صحي من النوم علي صوت المنبه صحي لقا داليا لسه نايمة بردو مصحيتش قبله دي ما وعدته امبارح.
رامي داليا داليا قومي يلا.
داليا يا رامي لسه بدري اوي اوي بتصحيني ليه دلوقت.
رامي پغضب هو اي الي بصحيكي ليه قومي فزي.
داليا بخضة اي بس يا رامي بتزعق ليه.
رامي پغضب بزعق ليه عشان مش هو ده كلامك ليا امبارح يا هانم هصحي بدري قبلك يا رامي وهحضرلك الفطار يا رامي فين بقا الصحيان والفطار الي حضرتيه يا هانم عايز انزل الشغل وبصوت عالي يلا قومي.
داليا پخوف حاضر حاضر قومت اهو قومت.
وقامت تجري ع المطبخ تحضر الفطار.
ورامي قام من علي السرير وهو بيتنهد پغضب وراح الحمام ياخد شاور وطلع لبس هدومه واكتشف ان معندوش هدوم نضيفه غير البدله الي هيلبسها النهارده.. لبسها وطلع لقاها بتحط الفطار علي الطربيزه.
داليا الفطار اهو يا حبيبي.
رامي تمام اقعدي كلي.
داليا حاضر.
وقعدوا هما الاتنين ياكلوا........
رامي اي ده يا داليا 
داليا ده اومليت يا حبيبي.
رامي ده اوملت.... امال العجينه تبقا عاملة ازاي.
داليا بصتله بتوتر ومتكلمتش.
رامي يمكن يكون طعمه غير الشكل.
وداقه ولقا طعمه وحش اوي اوي والملح فيه كتير اوي ومعرفش ياكل اي حاجة.
رامي قومي اعمليلي شاي يا داليا قومي.
داليا بتوتر ح.....حاضر.
وعملتله كوباية شاي ورامي جه يشربها لقاها مسكره اوي وهو بيحب الشاي من غير سكر.
رامي حتي الشاي حتي الشاي يا داليا مش عارفة تعمليه.
داليا بتوتر ماله بس الشاي.
رامي بضيق شاي اي بقا ده عسل مش شاي.
وقام وتابع انا قايم اروح الشغل.
داليا رامي.
رامينعم.
داليا انا.... انا عايزه انزل مع صاحبتي النهارده. 
رامي هتروحي فين.
داليا النادي انت عارفه.
رامي تمام متتاخريش ارجع البيت لاقيكي موجوده.
داليا حاضر مع السلامه.
رامي مشي وبعد ما نزل من علي السلم وقف قدام باب بيت خديجة ولقاه مقفول عرف انها راحت الشغل واتضايق جدا انه ملحقهاش وملحقش يشوفها اتنهد وراح ركب عربيته وراح المكتب.
وف المكتب كان حمزه داخل وسأل علي رامي عرف انه جوه مستنيه واستدار وكان لسه هيروح مكتبه خبط ف حد والورق الي كان ف ايده وقع ع الارض والشنطه كمان وقعت ورفع عينه ولسه كان ناوي يهزأ الي خبطه بس لما رفع عينه لقا بنت جميله جدا جدا ومقدرش يتكلم.
بس البنت قالت پخوف انا انا اسفة والله مش قصدي اني اخبط فيك انا اسفة.
حمزة فضل ساكت متكلمش وبعدين فاق علي صوتها وهي بتقول هو حضرتك معايا لسه موجوده.
حمزة اه انا معاكي.... مفيش مشكلة يا انسة محصلش حاجة.
البنت انا اسفة والله مكنتش اعرف ان حد قدامي انا اسفة.
حمزة كان لسه هيتكلم بس قطع كلامه بنت تانيه كانت بتجري عليهم وبتقول شروق شروق انتي كويسه حصلك حاجة..... اي بس خلاكي تتحركي من مكانك.
شروق مهو انا مره واحده ملقتكيش جمبي واتاخرتي عليا خۏفت.
البنت واسمها مها منا قولتلك هسال علي حاجه وجيالك تاني.
شروق ماخدتش بالي والله وكمان خبطت ف الاستاذ وانا مش شايفاه.
مها قالت لحمزة معلش والله مش قصدها احنا اسفين وشاورتله انها عامية ومش بتشوف.
حمزة فهم وبصلها تاني وكز ف عنيها ولاحظ ان عنيها مش بتبصله بشكل مباشر ف اتاكد انها عاميه وصعبت عليه اوي وحمد ربنا انه متعصبش عليها وجرحها بالكلام.
حمزة لا ابدا والله مفيش اي حاجة مفيش مشكله متقلقوش.
ونادى منة يا منة.
منة نعم يا استاذ حمزة.
حمزة شوفيهم محتاجين اي واعمليه ولو محتاجين حاجه بلغيني متسيبيهمش الا لما يخلصوا كل جاجة.
منة حاضر.
شروق انا اسفه لتالت مره والله وشكرا لحضرتك.
حمزة مفيش داعي للااعتزار يا انسة ولا شكر علي واجب.....عن اذنكوا.
وحمزة مشي وصورة شروق مش بتفارق خياله وسال نفسه يا ترى هيشوفها تاني ولا لاء!!
نروح عند خديجة ف الشركة وتحديدا ف المكتب وهي قاعدة بتشتغل دخل عليها زميلها حسن.
حسن عنده 35 سنه ارمل وعنده بنتين تؤام عمرهم 5 سنين مهندس ديكور وزميل خديجة ف الشركة وف المكتب كمان ووسيم جدا.
حسن بابتسامة خديجة عامله اي النهارده 
خديجة بابتسامة الحمد لله يا حسن انا تمام انت عامل اي والبنتين كمان 
حسن وهو بيجلس اااااااه البنات مطلعين عيني مش بيهدوا حتي خالتهم بتشتكي من شقاوتهم.
خديجة ربنا يخليهملك يا حسن طب اي خالتهم مش قادره تستحملهم.
حسن هي مقلتش كدا مباشر بس انا حسيت من كلامها بكدا وانا بردو بسبهم عندها كتير اوي اليوم كله تقريبا عشان الشغل وبعد كدا الجامعه كمان.
خديجة فكرت شوية طب بقولك اي عندي فكره.
حسن اي.
خديجة عدي عليا بعد الشغل هاتلي البنات يقعدوا معايا ومع الولاد وابقا تعالي خدهم بعد ما تخلص الجامعة وكل حاجة وبس.
حسن لا يا خديجة ده تعب عليكي وهما اشقيا اوي وولادك كمان لالالا مينفعش.....
خديجة ولا تعب ولا حاجة يعني هيعملوا اي يعني يا حسن منا بقعد مع ولادي طول اليوم هيجرا اي يعني لو يجوا يقعدوا يلعبوا معاهم اسمع الكلام بس انت وهتهم.
حسن يتردد ماشي بس متاكدة انه تمام بالنسبالك.
خديجة بابتسامة اه والله تمام.
حسن متشكر اوي يا خديجة مش عارف اعمل اي اردلك الجميل ده.
خديجة العفو يا حسن وجميل اي الي بتتكلم عنه ده احنا اخوات ولا نسيت وبعدين دول زي ولادي هتهم انت بس وملكش دعوة.
حسن طيب خلاص هجبهملك بكرا.
خديجة خلاص تمام هستناك بكرا.
ف النادي علي طربيزة قاعد عليها داليا وصاحبتها رنا.
رنا يعني هو دلوقت معندوش سكرتيرة يعني.
داليا لا معندوش جاب سكرتير مش سكرتيرة.
رنا يعني انتي عايزه تفهميني انه سمع كلامك وجاب سكرتير عشان خاطر جنابك.
داليا بغرور اه طبعا هو بيحبني يا ماما وبيسمع كلامي عشان بيحبني وعمل كدا عشان خاطري.
رنا وده بقا غيره ولا خوف.
داليا خوف ! وانا هخاف من اي بقا ان شاء الله.
رنا بمكر خاېفة لو جت سكرتيره تاخده منك زي ما عملتي واخدتيه من مراته كدا.
داليا پغضب اي الي انتي بتقوليه ده يا رنا انا مخدتوش من حد هو الي حبني وجالي انا وطلقها هي هو مكنش بيحبها.
رنا مكنش بيحبها اه بس كان عايش وراضي والست مش مقصره معاه ومطلقهاش بمزاجه هي الي طلبت الطلاق والا كان زمانها دلوقت مراته زيها زيك ويمكن احسن لانها الاولي وقربته وام ولاده وبعدين انتي قعدتي تلفي عليه 3 شهور عشان تلفتي نظره وتخليه يتجوزك يا داليا وعلي يدي كل يوم تيجي بحبه يا رنا عاجبني يا رنا هعمل المستحيل عشان اخده من مراته واتجوزه يا رنا مش هضيعه من ايدي يا رنا ولا نسيتي.
داليا پغضب بس بس اي القرف الي بتقوليه ده محصلش وبعدين هو ميقدرش يبعد عني هو بيحبني ومش هيقدر يبعد عني ومش هيبص لغيري.
رنا بمكر طب خلي بالك بقا عشان الي يسيب مراته ام ولاده وعشرة عمره عشان واحدة تانيه حلوه ولفت عليه يسيب التانيه عشان الي احلي منها وهتكون لفت عليه بردو.
صمتت وشافت ملامح وش داليا اتغيرت للڠضب الشديد وتابعت ولا هنروح بعيد ليه مهو ممكن يحن للقديم مش بتقولي احلوت اوي يبقا ممكن ليه لاء خلي بالك يا دودو ها خالي بالك ليحن.
داليا مستحيل مستحيل يبصلها تاني مكنش حبني وسابها مستحيل تاخده تاني اصلا.
رنا بخبث منا لسه قايلالك مش هو الي سابها هي الي سابته وطلبت الطلاق..... وبعدين هو لو حنلها تاني مش هيكون اتاخد منك ولا حاجه بالعكس... ده هيكون رجع لاصله.
داليا بصتلها وفعنيها خوف انه ممكن يرجع لخديجة تاني.
رنا يلا يلا انا لازم امشي دلوقت اتاخرت علي جوزي يلا سلام يا دودو وزي ما قولتلك خلي بالك.
وسابتها ومشيت وداليا فضلت تفكر ف كلامها واحساسها بالخۏف بكير خصوصا انه اليومين دول بيتلكك ينزل وبيقعد كتير.
داليا وبعديييين بقااااا كل الي عملته ده هيروح علي الفاضي مش ممكن لا مستحيل يروح مني ولا اسمحلها تاخده مني علي چثتي ويا انا يا انتي يا خديجة الزفت يا انا يا انتي.
البارت الحادي عشر
لم اطلب منك يوما اهتمام 
لم اطلب منك ابدا المبادره ب اي شئ
ولكن لا اعلم لماذا بادرت بعدما رحلت 
ولماذا اهتممت بعدما تركت 
ولكن كل ما اعلمه انه قد فات الاوان.
نبدأ عند خديجة ف الشركة بعد ما حضرت الاجتماع الي كان معمول عشان كل مهندس يعرض تصميمه حاز تصميم خديجة علي نسبة اعجاب كبيرة جدا حتي من مدير الشركة والكل اجمع ان تصميمها هو الي هيتنفذ وهي الي هتشرف عليه وطلعت من الاجتماع فرحانة جدا وسط مباركات زمايلها ف الشركة ومن ضمنهم حسن بعد ما دخلوا مكتبهم.....
حسن الف الف ميروك يا خديجة التصميم هايل.
خديجة الله يبارك فيك يا حسن حقيقي فرحانه اوي.
حسن الصراحة تستحقيها واكتر مبروك تاني يا خديجة.
خديجة ربنا يخليك يا حسن والله علي الكلام المشجع ده.
وبدأوا شغل تاني لحد ما خلصوا كل الشغل وجه معاد الانصراف من الشركة.
حسن يلا سلام بقا يا خديجة واقابلك بكرا ان شاء الله.
خديجة سلام يا حسن متنساش الي اتفقنا عليه ها.
حسن بابتسامة حاضر مش ناسي مع السلامه.
وخرج حسن من المكتب وفضلت خديجة تجمع حاجاتها كلها وبعد ما خلصت اخدت شنطتها وطلعت من المكتب وركبت الاسانسير وبعدين خرجت من الشركة خالص ولسه هتوقف تاكس عشان تروح تاخد الولاد ويروحوا...
سمعت صوت حد بيناديها خديجة 
استغربت هي تعرف الصوت ده كويس اوي وبتعشقه هو وصاحبة استدارت واټصدمت انه رامي.
خديجة پصدمة رامي
رامي طلع من العربية وراحلها خديجة ازيك عامل اي ! 
خديجة باستغراب انا..... انا كويسه الحمد لله بس انت بتعمل الي هنا !!!!! 
رامي جاي اوصلك.
خديجة پصدمة توصلني انت جاي عشان توصلني.
رامي ايوا يا خديجة جاي اوصلك مستغربة ليه.
خديجة غريبة يعني جاي من مكتبك لحد هنا عشان توصلني ليه التعب انا هاخد تاكس واخد الولاد واروح مكنش ليه لزوم التعب ده كله.
رامي ولا تعب ولا حاجه ياخديجه وبصلها في عيونهاتعبك راحه ياخديجه.
خديجه بصتله باستغراب معقوله هو ده رامي رامي اللي عمره ما اهتم بأي حاجه