أنا في مصيبة انا حامل ومش عارفه اتصرف ازاي!!
أنا في مصيبة انا حامل ومش عارفه اتصرف ازاي!!
كانت جايبة حد معاها، عرفت بعد كده ان ده الشيخ اللي قالت انها هتجيبه.
الشيخ طلب من ماما بعد ما قعدنا شوية ف الصالة انه عايز يقعد معايا شوية لوحدنا، ماما واسراء سبونا لوحدنا، فضل يبص لي من غير ما يتكلم وانا كنت بحاول اني مالفتلوش اي نظر.
بعد كده لقيته اتكلم وقال:
- عايزك تحكيلي كل حاجه بالتفصيل
رديت عليه وقلت:
سكت شوية وقال:
- لأ انتي عندك كلام تاني ماقلتيهوش
رديت وحاولت اكون متماسكه:
- لأ اللي عندي قولته
رد وقال الشيخ:
- عندك كلام كتير عايزه تقولي واظن انك حامل!
عرف ازاي ده، معقول اسراء قالت له حاجه، بلعت ريقي وقلت له وانا بترجاه:
- بلاش تقول لماما حاجه لو عرفت هتدبحني
رد وقال:
حكيت له ع كل حاجه حتى قولت له ايه اللي حصل عند الدكتورة واني حاولت اجهض الجنين لكن محصلش.
مردش عليا ندى على ماما، ماما جات، سابني وراح لها، فضله يتكلموا شوية وبعدها ماما مشيت.
قال لي تعالي هنقعد مع بعض شوية ف اوضتك!
قلت له:
- وتقعد معايا ليه
- انتي مش عايزاني اساعدك يبقى تسمعي الكلامي
رحت معاه الاوضة، قفل الباب علينا بالمفتاح.
قال لي اقعدي، قعدت على السرير، طلع من شنطه كانت معاه حتة قماشه لونها ابيض، قماشة شكلها غريي مليانه كتابات بلون اسود، كتابات مش مفهومه طلاسم وارقام وحاجات غريبة!
قال لي بعدها:
- نامي ع السرير!
عملت زي ما هو قال لي نمت على السرير، وبعدها فَرد الملاية عليا!
( واتبعوا ما تتلوا الشياطين على ملك سليمان وما كفر سليمان ولكن الشياطين كفروا يعلمون الناس السحر وما انزل على الملكين ببابل هاروت وماروت )
كرر في نفس الاية اكتر من مرة كل مرة كان بيعلي صوته عن الاول، الصوت بدأ انه يوطه شوية شوية لحد مابقتش سمعاه خالص.
فتحت عيني وشلت الملاية اللي متغطيه بيها، لقيت نفسي نايمة على ارض رملية! الجو كان ضلمة، قومت من مكاني، مشيت ناحية اضاءة، فضلت امشي لحد ما وصلت عند نار مولعه! ماكنش في اي حد حوالين النار ولا كان ف حد غيري ف المكان.
بس شفت حاجه على الارض، قربت عليها وكان الحاجه دي كتاب مرمي على الارض، وطيت واخدت الكتاب، فتحت كذه صفحه وقعدت اتامل كل صفحه.
فضلت على كده لحد ما سمعت صوت، صوت مرعب، صوت كأنه صوت كلب بس افظع! كنت حاسه بحرارة ورايا، انفاس سخنه اوي ورا ضهري!
اتلفت ورايا، افظع كائن عمرك ما تتحمل انك تبصله!
شكله نفس اشكال الكائنات اللي شفتها ع الكتاب.
ماكنتش قادرة اتحرك من مكاني، جسمي كان مشلول.
