رواية مصيبتي الحلوة كاملة
بتكون ملك بتفتكر كل حاجة في اوضتها ونايمة خايفة بتتقلب ..
ملك بتقعد وبتتنهد :
وبعدين بقا ! أنا متأكدة أن اللي شوفته حقيقي يكون العلاج اللي باخده طير البرج اللي فاضل لسه في عقلي !
انا لازم اروح للدكتورة وأشوف!
وفي أوضة بهجت وعبير..
عبير بتكون قاعدة بټعيط ومني جنبها بتواسيها
مني : دا كلمتين كده هي الرجالة بتخيب في السن ده بالك حماكي الحاج يوسف ده عمره كان ماشي عالصراط المستقيم لحد ما كبر وعجز وسنانه وقعت فجأة الاقي الراجل الشايب راح ظبط شعره الأبيض وصبغه بالأسود و
كنت وهو صغير بتحيل عليه يقولي يا منمن من فات قديمه تاه احنا ربنا كرمنا اخر كرم وادانا الغني بعد الفقر مش لازم المظاهر والكلام الفاضي …
طب راح فين كلامك يا حاچ تعدي الأيام وتصرفاته مش مظبوطة لحد ما عرفت اللي فيها !
مني: بت متسواش كانت شغالة عاملة في الشركة بس خبره وعارفه مداخل الرجاله وعارفه أن الراجل زي العيل الصغير وبأقل حاجة تكسبيه وكانت عندها عشرين سنة بس متجوزة تلات مرات والسبب مش بتخلف
جالي ووقف لي وماعاد يجي ألا بأمر ربنا وقالي بالفم المليان انا عاوزه اتجوز تفتكري انا عملت ايه !
اكيد روحتي جبتيها من شعرها وعرفتيها مقامها ؟!
ضحكت مني :
لأ طبعا يا عبيطة لو كنت عملت كده كنت قللت من نفسي وفي نفس الوقت كانت البنت هاتعرف أنها انتصرت والموضوع يكبر في دماغها اكتر واكتر ومش بعيد تاخدها علي كرامتها وتقلبها عند. !
عبير بتمسح دموعها: طب عملتي ايه !
مني : روحت لها البيت بكل هدوء وقولتلها انتي جميله ما شاء الله فضحكت أصلها ماكنتش تعرفني كانت حلوة بنت الايه قولت لها الراجل الغني الكركوبة اللي بتجري وراه عشان فلوسه اللي هو جوزي ماحلتوش اللضا
وكل حاجة باسمي يعني لو اتجوزتيه مش هاطولي غيره فلو بتحبيه اشبعي بيه!
عبير: وصدقتك؟!
مني: اللي ماتعرفهوش أنه عامل توكيل وساعة ماحسيت بالغ،ـدر وان حد هايقسمني رزق عيالي نقلت كل حاجة باسمي وعاش الباقي من عمره خايف !
القصد اهدي بهجت بتاع كلام البسي وازوقي وروحي الكوافير وخليه يغير عليكي دا انتي قمر ماتخليش واحدة ولا تسوي تخرب عليكي وصدقيني انا عمري ما هاسمح له يعملها انا في ضهرك يا بت دا انتي بنتي اللي مخلفتهاش
بتحضنها عبير وهي بټعيط !
مني: ولا تشيلي في نفسك كل شي هايتحل ! نامي وارتاحي..
*_____________________________*
بتبلع ريقها بخۏف وبتقرب اكتر واكتر وبتسمع انين لحد وزي ما بيكون بينادي عليها وبيقول ساعديني
بتشجع نفسها وبتقرب منها اكتر واكتر وبتبص فيها حاجة عاملة زي حلقة مدورة ولونها ازرق واللي في النص ظلام وسواد وبس وفراغ !
بتمد أيدها والنور لامع عينيها وبتحط أيدها في المنطقة السودة
فجأة بتحس أن حاجة شدتها بتحاول تشد ايديها لبرا بخۏف وبتنده :
يا يوسف يا تيتا حد يلحقني
بتنهار في العياط !
بتتشد لجوه اكتر واكتر لحد ما بتلاقيها في عالم تاني …
بتقوم بسرعة وبتبص حواليها .
ملك : ايه ده الرمل ابيض والسمھا لونها غريب مش زرقاء ولا حتي اي لون طبيعي ولا فيها سحاب أبيض ايه لونها ده !
بتتخض لما حد بيخبط علي كتفها فبتبُص وراها ..
ملك بإستغراب: مش معقول انت !الراجل المجڼون!
ضحك فبان سنته الدهب :
لو مجڼون في سبيل أن أحقق هدفي وأوصل أنا راضي
ملك : هدف ايه واحنا فين وايه اللي حوالينا ده انا اكيد بحلم!
_ جيهان أنا !
بتقاطعه: انا مش جيهان انت تعرف ماما ؟!
بيبتسم : يعني زي ما حسيت …انا عاوز مساعدتك أنتِ لازم تساعديني أرجوكي
ملك : طب اهدي بس واحكيلي ..
بتسمع ملك خبط علي الباب ..
بيمشي الراجل بسرعة …
بتجري ملك وراه :
انت رود عليا انت هاتسبني لوحدي
_ مافيش وقت دلوقتي انا هاجيلك تاني
بتحس بدوخة وبتقع فجأة وبتقوم تاني بتلاقيها قاعدة علي سريرها ..
بتبُص مكان البوابة مش بتلاقي حاجة .
