رواية منتقبة ولكن

جيبالي عروسه منتقبه يماما!!
اه يا حبيبي...
انا؟! انا يماما...
وفي سري دا انا عمري معرفت واحده منتقبه ولا توقعت اني هعرف.. مالهم اللي لابسين بناطيل وحاطين ميكب ومزز
دول.. مش تجيبلي واحده قمر!
ماما_بقولك ايه يا ادهم يا ابني.. البنت دي لو لفيت الأرض كلها مش هتلاقي زيها..
انا_ يا ماما.. يا ماما دا انا مبركعهاش...

ماما_ ربنا يهديك يحبيبي...
انا_ وبشرب سجاير..
ماما_ اسكت يكداب.. انت لسه شوفتها!
تاني يوم لقيت ماما بتصحيني ومحضرالي لبس شيك وبتقولي اجهز علشان رايحين نشوف العروسه...
لبست وروحنا...
وقعدت معاها..
مستنيها ترفع النقاب وتوريني وشها بس مرفعتش..
وانا متكلمتش وعادي وبعد مروحنا..
ماما_ ليه انت مشوفتش وشها؟!
انا_ ال يماما...
ماما_ اومال هتتجوز واحده مشوفتش وشها ازاي يموكوس..
انا_ ومين قال يماما اني هتجوزها بس!!
لقيت ماما نفسها بيديق وتعبت جامد فطلعنا علي المستشفي..
مالها يدكتور طمني عليها..
الدكتور_ لألسف الحاله حرجه جدًا ابعد عنها الانفعال..
عندها اي يعني يدكتور؟

اول مدخلتلها قالتلي هتتجوز اسراء الأسبوع الجاي؟!

انا_ نعم يماما؟!

ماما_ انا شوفتها بدالك يحبيبي.. متخفش على ضمانتي...

انا_يماما..

ماما_ انا بمoت وعاوزه افرح بيك قبل مموت واحضر فرحك..

انا_ متقوليش كدا يماما بعد الشړ...

ماما بعياط_علشان خاطري يا ادهم حققلي الأمنية دي قبل مموت..

انا بقا ادهم المنشاوي.. عندي27 سنه اصغر واحد في العيله...

الدلع ده كلمه شويا.. بس مع ذالك ناجح جدا في حياتي خريج كليه تجاره ومستلم منصب مهم جدا في البنك.. وعندي

عربيه ومعايا فلوس.. بس شاب روش يعني ادوب البنت من دول بكلمه واحد.. واستايل اللبس اخر صيحه.. كل يوم بعرف

واحده شكل..

انا_حاضر يماما..

واتجوزت اسراء وانا متكلمتش معاها نص كلمه متجوزها كدا يعني سد خانه ومنظر قدام امي علشان صحتها

وعلشان أريحها..

انا_ انتي نامي جوا فى الأوضة وانا هنام هنا في الصالون..

هي_ مرديتش ولا وريتني وشها حتي..

انا_ لعلمك انا متجوزك علشان خاطر امي بس فمتحسسينيش اني ظالمك اشطا...

وف سري.. دا انا المظلوم